ek raat aap ne ummīd pe kyā rakkhā hai

aaj tak ham ne charāġhoñ ko jalā rakkhā hai

ek raat aap ne ummid pe kya rakkha hai

aaj tak hum ne charaghon ko jala rakkha hai

kabhī ziyāda kabhī kam rahā hai āñkhoñ meñ

lahū kā silsila paiham rahā hai āñkhoñ meñ

kabhi ziyaada kabhi kam raha hai aankhon mein

lahu ka silsila paiham raha hai aankhon mein

kitāb-e-husn hai tū mil khulī kitāb kī tarah

yahī kitāb to mar mar ke maiñ ne azbar kī

kitab-e-husn hai tu mil khuli kitab ki tarah

yahi kitab to mar mar ke main ne azbar ki

mirā zamīr bahut hai mujhe sazā ke liye

tū dost hai to nasīhat na kar ḳhudā ke liye

mera zamir bahut hai mujhe saza ke liye

tu dost hai to nasihat na kar KHuda ke liye

suḳhan rāz-e-nashāt-o-ġham kā parda ho hī jaatā hai

ġhazal kah leñ to jī kā bojh halkā ho hī jaatā hai

suKHan raaz-e-nashat-o-gham ka parda ho hi jata hai

ghazal kah len to ji ka bojh halka ho hi jata hai