Today's top 5 Urdu Shayari

maktab-e-ishq kā dastūr nirālā dekhā

us ko chhuTTī na milī jis ko sabaq yaad huā

maktab-e-ishq ka dastur nirala dekha

us ko chhuTTi na mili jis ko sabaq yaad hua

rāsta sochte rahne se kidhar bantā hai

sar meñ saudā ho to dīvār meñ dar bantā hai

rasta sochte rahne se kidhar banta hai

sar mein sauda ho to diwar mein dar banta hai

zindagī kyā hue vo apne zamāne vaale

yaad aate haiñ bahut dil ko dukhāne vaale

zindagi kya hue wo apne zamane wale

yaad aate hain bahut dil ko dukhane wale

tū kahānī hī ke parde meñ bhalī lagtī hai

zindagī terī haqīqat nahīñ dekhī jaatī

tu kahani hi ke parde mein bhali lagti hai

zindagi teri haqiqat nahin dekhi jati

muḌ ke dekhā to hameñ chhoḌ ke jaatī thī hayāt

ham ne jaanā thā koī bojh girā hai sar se

muD ke dekha to hamein chhoD ke jati thi hayat

hum ne jaana tha koi bojh gira hai sar se