ٹاپ 5 اردو شاعری| ریختہ

قبول کیسے کروں ان کا فیصلہ کہ یہ لوگ

مرے خلاف ہی میرا بیان مانگتے ہیں

منظور ہاشمی

زندگی کم پڑھے پردیسی کا خط ہے عبرتؔ

یہ کسی طرح پڑھا جائے نہ سمجھا جائے

عبرت مچھلی شہری

سیر کر دنیا کی غافل زندگانی پھر کہاں

زندگی گر کچھ رہی تو یہ جوانی پھر کہاں

خواجہ میر درد

غرض کہ کاٹ دیے زندگی کے دن اے دوست

وہ تیری یاد میں ہوں یا تجھے بھلانے میں

فراق گورکھپوری

کہیں زمیں سے تعلق نہ ختم ہو جائے

بہت نہ خود کو ہوا میں اچھالیے صاحب

راجندر ناتھ رہبر

آج کے منتخب ۵ شعر