Today's top 5 Urdu Shayari

apnī anā kī aaj bhī taskīn ham ne kī

jī bhar ke us ke husn kī tauhīn ham ne kī

apni ana ki aaj bhi taskin hum ne ki

ji bhar ke us ke husn ki tauhin hum ne ki

ġham se bikhrā na pā.emāl huā

maiñ to ġham se hī be-misāl huā

gham se bikhra na paemal hua

main to gham se hi be-misal hua

aag kā kyā hai pal do pal meñ lagtī hai

bujhte bujhte ek zamānā lagtā hai

aag ka kya hai pal do pal mein lagti hai

bujhte bujhte ek zamana lagta hai

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

har galī kūche meñ rone kī sadā merī hai

shahr meñ jo bhī huā hai vo ḳhatā merī hai

har gali kuche mein rone ki sada meri hai

shahr mein jo bhi hua hai wo KHata meri hai