Today's top 5 Urdu Shayari

tumhārā hijr manā luuñ agar ijāzat ho

maiñ dil kisī se lagā luuñ agar ijāzat ho

tumhaara hijr mana lun agar ijazat ho

main dil kisi se laga lun agar ijazat ho

roz achchhe nahīñ lagte aañsū

ḳhaas mauqoñ pe mazā dete haiñ

roz achchhe nahin lagte aansu

KHas mauqon pe maza dete hain

is añdhere meñ charāġh-e-ḳhvāb kī ḳhvāhish nahīñ

ye bhī kyā kam hai ki thoḌī der so jaatā huuñ maiñ

is andhere mein charagh-e-KHwab ki KHwahish nahin

ye bhi kya kam hai ki thoDi der so jata hun main

ye maanā inqalāb-e-zindagī meñ laakh ḳhatre haiñ

tamannā phir bhī hai ye zindagī zer-o-zabar hotī

ye mana inqalab-e-zindagi mein lakh KHatre hain

tamanna phir bhi hai ye zindagi zer-o-zabar hoti

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya