Today's top 5 Urdu Shayari

dil kī choToñ ne kabhī chain se rahne na diyā

jab chalī sard havā maiñ ne tujhe yaad kiyā

dil ki choTon ne kabhi chain se rahne na diya

jab chali sard hawa main ne tujhe yaad kiya

yahī fasāna rahā hai junūñ ke sahrā meñ

kabhī firāq ke qisse kabhī visāl kī baat

yahi fasana raha hai junun ke sahra mein

kabhi firaq ke qisse kabhi visal ki baat

vaqt kis tezī se guzrā roz-marra meñ 'munīr'

aaj kal hotā gayā aur din havā hote ga.e

waqt kis tezi se guzra roz-marra mein 'munir'

aaj kal hota gaya aur din hawa hote gae

raat ajab āseb-zada sā mausam thā

apnā honā aur na honā mub.ham thā

raat ajab aaseb-zada sa mausam tha

apna hona aur na hona mubham tha

jalā.e rakkhūñgī sub.h tak maiñ tumhāre rastoñ meñ apnī āñkheñ

magar kahīñ zabt TuuT jaa.e to bārisheñ bhī shumār karnā

jalae rakkhungi subh tak main tumhaare raston mein apni aankhen

magar kahin zabt TuT jae to barishen bhi shumar karna