Today's top 5 Urdu Shayari

yuuñ to apnoñ sā kuchh nahīñ is meñ

phir bhī ġhairoñ se vo alag sā hai

yun to apnon sa kuchh nahin is mein

phir bhi ghairon se wo alag sa hai

ḳhud-kushī jurm bhī hai sabr kī tauhīn bhī hai

is liye ishq meñ mar mar ke jiyā jaatā hai

KHud-kushi jurm bhi hai sabr ki tauhin bhi hai

is liye ishq mein mar mar ke jiya jata hai

tauqīr añdheroñ kī baḌhā dī ga.ī shāyad

ik sham.a jo raushan thī bujhā dī ga.ī shāyad

tauqir andheron ki baDha di gai shayad

ek shama jo raushan thi bujha di gai shayad

ai vaa.e inqalāb zamāne ke jaur se

dillī 'zafar' ke haath se pal meñ nikal ga.ī

ai wae inqalab zamane ke jaur se

dilli 'zafar' ke hath se pal mein nikal gai

jo chup-chāp rahtī thī dīvār par

vo tasvīr bāteñ banāne lagī

jo chup-chap rahti thi diwar par

wo taswir baaten banane lagi