ٹاپ 5 اردو شاعری| ریختہ

سر جس پہ نہ جھک جائے اسے در نہیں کہتے

ہر در پہ جو جھک جائے اسے سر نہیں کہتے

بسمل سعیدی

ہم کو جنت کی فضا سے بھی زیادہ ہے عزیز

یہی بے رنگ سی دنیا یہی بے مہر سے لوگ

سحر انصاری

صبر پر دل کو تو آمادہ کیا ہے لیکن

ہوش اڑ جاتے ہیں اب بھی تری آواز کے ساتھ

آسی الدنی

وہ کسی کو یاد کر کے مسکرایا تھا ادھر

اور میں نادان یہ سمجھا کہ وہ میرا ہوا

اقبال اشہر

بھولے ہیں رفتہ رفتہ انہیں مدتوں میں ہم

قسطوں میں خودکشی کا مزا ہم سے پوچھئے

خمارؔ بارہ بنکوی

آج کے منتخب ۵ شعر