Today's top 5 Urdu Shayari

ik tarz-e-taġhāful hai so vo un ko mubārak

ik arz-e-tamannā hai so ham karte raheñge

ek tarz-e-taghaful hai so wo un ko mubarak

ek arz-e-tamanna hai so hum karte rahenge

un kā zikr un kī tamannā un kī yaad

vaqt kitnā qīmtī hai aaj kal

un ka zikr un ki tamanna un ki yaad

waqt kitna qimti hai aaj kal

gañvā.ī kis kī tamannā meñ zindagī maiñ ne

vo kaun hai jise dekhā nahīñ kabhī maiñ ne

ganwai kis ki tamanna mein zindagi main ne

wo kaun hai jise dekha nahin kabhi main ne

tiir khāne kī havas hai to jigar paidā kar

sarfaroshī kī tamannā hai to sar paidā kar

tir khane ki hawas hai to jigar paida kar

sarfaroshi ki tamanna hai to sar paida kar

āġhāz-e-mohabbat kā anjām bas itnā hai

jab dil meñ tamannā thī ab dil hī tamannā hai

aaghaz-e-mohabbat ka anjam bas itna hai

jab dil mein tamanna thi ab dil hi tamanna hai