Today's top 5 Urdu Shayari

ham ko aksar ye ḳhayāl aatā hai us ko dekh kar

ye sitāra kaise ġhalatī se zamīñ par rah gayā

hum ko aksar ye KHayal aata hai us ko dekh kar

ye sitara kaise ghalati se zamin par rah gaya

chāñd sī shakl jo allāh ne dī thī tum ko

kaash raushan mirī qismat kā sitārā karte

chand si shakl jo allah ne di thi tum ko

kash raushan meri qismat ka sitara karte

ham apnī dhartī se apnī har samt ḳhud talāsheñ

hamārī ḳhātir koī sitāra nahīñ chalegā

hum apni dharti se apni har samt KHud talashen

hamari KHatir koi sitara nahin chalega

vo jugnū ho sitāra ho ki aañsū

añdhere meñ sabhī mahtāb se haiñ

wo jugnu ho sitara ho ki aansu

andhere mein sabhi mahtab se hain

bachchoñ ke chhoTe hāthoñ ko chāñd sitāre chhūne do

chaar kitābeñ paḌh kar ye bhī ham jaise ho jā.eñge

bachchon ke chhoTe hathon ko chand sitare chhune do

chaar kitaben paDh kar ye bhi hum jaise ho jaenge