ٹاپ 5 اردو شاعری| ریختہ

واقف کہاں زمانہ ہماری اڑان سے

وہ اور تھے جو ہار گئے آسمان سے

فہیم جوگاپوری

اک پرندہ ابھی اڑان میں ہے

تیر ہر شخص کی کمان میں ہے

امیر قزلباش

پرند شاخ پہ تنہا اداس بیٹھا ہے

اڑان بھول گیا مدتوں کی بندش میں

خلیل تنویر

نئی فضا کے پرندے ہیں کتنے متوالے

کہ بال و پر سے بھی پہلے اڑان مانگتے ہیں

منظور ہاشمی

کبھی نہ سوچا تھا میں نے اڑان بھرتے ہوئے

کہ رنج ہوگا زمیں پر مجھے اترتے ہوئے

فراغ روہوی

آج کے منتخب ۵ شعر