Today's top 5 Urdu Shayari

kachche makān jitne the bārish meñ bah ga.e

varna jo merā dukh thā vo dukh umr bhar kā thā

kachche makan jitne the barish mein bah gae

warna jo mera dukh tha wo dukh umr bhar ka tha

duniyā mire paḌos meñ ābād hai magar

merī duā-salām nahīñ us zalīl se

duniya mere paDos mein aabaad hai magar

meri dua-salam nahin us zalil se

maiñ to ġhazal sunā ke akelā khaḌā rahā

sab apne apne chāhne vāloñ meñ kho ga.e

main to ghazal suna ke akela khaDa raha

sab apne apne chahne walon mein kho gae

kahānī likhte hue dāstāñ sunāte hue

vo so gayā hai mujhe ḳhvāb se jagāte hue

kahani likhte hue dastan sunate hue

wo so gaya hai mujhe KHwab se jagate hue

maiñ sochtā huuñ mujhe intizār kis kā hai

kivāḌ raat ko ghar kā agar khulā rah jaa.e

main sochta hun mujhe intizar kis ka hai

kiwaD raat ko ghar ka agar khula rah jae