عابدہ کرامت کی شاعری

عابدہ کرامت کے اشعار

اوروں کی آگ کیا تجھے کندن بنائے گی

اپنی بھی آگ میں کبھی چپ چاپ جل کے دیکھ

اس پیڑ کے ہر پھل میں مرا حق ذرا رکھنا

جس ننھے سے پودے کو شجر میں نے کیا ہے

وہیں پہ جھاڑ کے اٹھتے ہیں پھر متاع حیات

کہ زندگی کو جہاں جس کے نام کرتے ہیں

میں اس کی دھن میں نئے راستے پہ جا نکلی

دیار جاں سے مری روز جو گزرتا رہا

ہم ترے سائے میں کچھ دیر ٹھہرتے کیسے

ہم کو جب دھوپ سے وحشت نہیں کرنی آئی

اماں میں آ کے بھی جس کی میں بے امان رہوں

کسی بھی ایسی نظر کا مجھے حصار نہ دے

اس نے میری شاخوں کو اس طرح نمو بخشی

زخم کے کھلیں گے پھول درد کا چمن ہوگا