Shakeb Jalali's Photo'

Shakeb Jalali

1934 - 1966 | Pakistan

Famous poet from Pakistan. Committed suicide at an early age.

Famous poet from Pakistan. Committed suicide at an early age.

koī bhūlā huā chehra nazar aa.e shāyad

ā.īna ġhaur se ne kabhī dekhā nahīñ

koi bhula hua chehra nazar aae shayad

aaina ghaur se tu ne kabhi dekha hi nahin

rahtā thā sāmne tirā chehra khulā huā

paḌhtā thā maiñ kitāb yahī har class meñ

rahta tha samne tera chehra khula hua

paDhta tha main kitab yahi har class mein

bad-qismatī ko ye bhī gavārā na ho sakā

ham jis pe mar miTe vo hamārā na ho sakā

bad-qismati ko ye bhi gawara na ho saka

hum jis pe mar miTe wo hamara na ho saka

pahle to merī yaad se aa.ī hayā unheñ

phir aa.ine meñ chuum liyā apne-āp ko

pahle to meri yaad se aai haya unhen

phir aaine mein chum liya apne-ap ko

kyā kahūñ dīda-e-tar ye to mirā chehrā hai

sañg kaT jaate haiñ bārish jahāñ dhaar gire

kya kahun dida-e-tar ye to mera chehra hai

sang kaT jate hain barish ki jahan dhaar gire

jaatī hai dhuup ujle paroñ ko sameT ke

zaḳhmoñ ko ab ginūñgā maiñ bistar pe leT ke

jati hai dhup ujle paron ko sameT ke

zaKHmon ko ab ginunga main bistar pe leT ke

aaj bhī shāyad koī phūloñ tohfa bhej de

titliyāñ mañDlā rahī haiñ kāñch ke gul-dān par

aaj bhi shayad koi phulon ka tohfa bhej de

titliyan manDla rahi hain kanch ke gul-dan par

mujhe girnā hai to maiñ apne qadmoñ meñ girūñ

jis tarah sāya-e-dīvār pe dīvār gire

mujhe girna hai to main apne hi qadmon mein girun

jis tarah saya-e-diwar pe diwar gire

ne kahā na thā ki maiñ kashtī pe bojh huuñ

āñkhoñ ko ab na Dhāñp mujhe Dūbte bhī dekh

tu ne kaha na tha ki main kashti pe bojh hun

aankhon ko ab na Dhanp mujhe Dubte bhi dekh

ye ek abr TukḌā kahāñ kahāñ barse

tamām dasht pyāsā dikhā.ī detā hai

ye ek abr ka TukDa kahan kahan barse

tamam dasht hi pyasa dikhai deta hai

ham-safar rah ga.e bahut pīchhe

aao kuchh der ko Thahar jaa.eñ

ham-safar rah gae bahut pichhe

aao kuchh der ko Thahar jaen

socho to silvaToñ se bharī hai tamām ruuh

dekho to ik shikan bhī nahīñ hai libās meñ

socho to silwaTon se bhari hai tamam ruh

dekho to ek shikan bhi nahin hai libas mein

dard ke mausam kyā hogā asar anjān par

dosto paanī kabhī ruktā nahīñ Dhalvān par

dard ke mausam ka kya hoga asar anjaan par

dosto pani kabhi rukta nahin Dhalwan par

vo alvidā.a manzar vo bhīgtī palkeñ

pas-e-ġhubār bhī kyā kyā dikhā.ī detā hai

wo alwidaa ka manzar wo bhigti palken

pas-e-ghubar bhi kya kya dikhai deta hai

log dete rahe kyā kyā na dilāse mujh ko

zaḳhm gahrā sahī zaḳhm hai bhar jā.egā

log dete rahe kya kya na dilase mujh ko

zaKHm gahra hi sahi zaKHm hai bhar jaega

'shakeb' apne ta.āruf ke liye ye baat kaafī hai

ham us se bach ke chalte haiñ jo rasta aam ho jaa.e

'shakeb' apne taaruf ke liye ye baat kafi hai

hum us se bach ke chalte hain jo rasta aam ho jae

kitne zaḳhm haiñ mire ik zaḳhm meñ chhupe

kitne tiir aane lage ik nishān par

kitne hi zaKHm hain mere ek zaKHm mein chhupe

kitne hi tir aane lage ek nishan par

abhī armān kuchh baaqī haiñ dil meñ

mujhe phir āzmāyā rahā hai

abhi arman kuchh baqi hain dil mein

mujhe phir aazmaya ja raha hai

vaqt ne ye kahā hai ruk ruk kar

aaj ke dost kal ke begāne

waqt ne ye kaha hai ruk ruk kar

aaj ke dost kal ke begane

bhīgī huī ik shaam dahlīz pe baiThe

ham dil ke sulagne sabab soch rahe haiñ

bhigi hui ek sham ki dahliz pe baiThe

hum dil ke sulagne ka sabab soch rahe hain

pyaar jot se ghar ghar hai charāġhāñ varna

ek bhī sham.a na raushan ho havā ke Dar se

pyar ki jot se ghar ghar hai charaghan warna

ek bhi shama na raushan ho hawa ke Dar se

ek apnā diyā jalāne ko

tum ne lākhoñ diye bujhā.e haiñ

ek apna diya jalane ko

tum ne lakhon diye bujhae hain

yuuñ to saarā chaman hamārā hai

phuul jitne bhī haiñ parā.e haiñ

yun to sara chaman hamara hai

phul jitne bhi hain parae hain

jahāñ talak bhī ye sahrā dikhā.ī detā hai

mirī tarah se akelā dikhā.ī detā hai

jahan talak bhi ye sahra dikhai deta hai

meri tarah se akela dikhai deta hai

vahāñ raushniyoñ ne bhī zulm Dhaa.e bahut

maiñ us galī meñ akelā thā aur saa.e bahut

wahan ki raushniyon ne bhi zulm Dhae bahut

main us gali mein akela tha aur sae bahut

aa ke patthar to mire sehn meñ do-chār gire

jitne us peḌ ke phal the pas-e-dīvār gire

aa ke patthar to mere sehn mein do-chaar gire

jitne us peD ke phal the pas-e-diwar gire

koī is dil haal kyā jaane

ek ḳhvāhish hazār tah-ḳhāne

koi is dil ka haal kya jaane

ek KHwahish hazar tah-KHane

aalam meñ jis dhuum thī us shāhkār par

dīmak ne jo likhe kabhī vo tabsire bhī dekh

aalam mein jis ki dhum thi us shahkar par

dimak ne jo likhe kabhi wo tabsire bhi dekh

kahtā hai āftāb zarā dekhnā ki ham

Duube the gahrī raat meñ kaale hue nahīñ

kahta hai aaftab zara dekhna ki hum

Dube the gahri raat mein kale hue nahin

malbūs ḳhush-numā haiñ magar jism khokhle

chhilke saje hoñ jaise phaloñ dukān par

malbus KHush-numa hain magar jism khokhle

chhilke saje hon jaise phalon ki dukan par

utar ke naav se bhī kab safar tamām huā

zamīñ pe paañv dharā to zamīn chalne lagī

utar ke naw se bhi kab safar tamam hua

zamin pe panw dhara to zamin chalne lagi

na itnī tez chale sar-phirī havā se kaho

shajar pe ek pattā dikhā.ī detā hai

na itni tez chale sar-phiri hawa se kaho

shajar pe ek hi patta dikhai deta hai

jo motiyoñ talab ne kabhī udaas kiyā

to ham bhī raah se kañkar sameT laa.e bahut

jo motiyon ki talab ne kabhi udas kiya

to hum bhi rah se kankar sameT lae bahut

dil anmol ratan kaun ḳharīdegā 'shakeb'

jab bikegā to ye be-dām bik jā.egā

dil sa anmol ratan kaun KHaridega 'shakeb'

jab bikega to ye be-dam hi bik jaega

fasīl-e-jism pe taaza lahū ke chhīñTe haiñ

hudūd-e-vaqt se aage nikal gayā hai koī

fasil-e-jism pe taza lahu ke chhinTe hain

hudud-e-waqt se aage nikal gaya hai koi

log dushman hue usī ke 'shakeb'

kaam jis mehrbān se niklā

log dushman hue usi ke 'shakeb'

kaam jis mehrban se nikla

is shor-e-talātum meñ koī kis ko pukāre

kānoñ meñ yahāñ apnī sadā tak nahīñ aatī

is shor-e-talatum mein koi kis ko pukare

kanon mein yahan apni sada tak nahin aati

mujh se milne shab-e-ġham aur to kaun aa.egā

merā saaya hai jo dīvār pe jam jā.egā

mujh se milne shab-e-gham aur to kaun aaega

mera saya hai jo diwar pe jam jaega

vaqt Dor ḳhudā jaane kahāñ se TuuTe

kis ghaḌī sar pe ye laTkī huī talvār gire

waqt ki Dor KHuda jaane kahan se TuTe

kis ghaDi sar pe ye laTki hui talwar gire

bas ek raat Thaharnā hai kyā gila kiije

musāfiroñ ko ġhanīmat hai ye sarā.e bahut

bas ek raat Thaharna hai kya gila kije

musafiron ko ghanimat hai ye sarae bahut

gale milā na kabhī chāñd baḳht aisā thā

harā-bharā badan apnā daraḳht aisā thā

gale mila na kabhi chand baKHt aisa tha

hara-bhara badan apna daraKHt aisa tha