abhī armān kuchh baaqī haiñ dil meñ

mujhe phir āzmāyā jā rahā hai

abhi arman kuchh baqi hain dil mein

mujhe phir aazmaya ja raha hai

jo motiyoñ kī talab ne kabhī udaas kiyā

to ham bhī raah se kañkar sameT laa.e bahut

jo motiyon ki talab ne kabhi udas kiya

to hum bhi rah se kankar sameT lae bahut

log dete rahe kyā kyā na dilāse mujh ko

zaḳhm gahrā hī sahī zaḳhm hai bhar jā.egā

log dete rahe kya kya na dilase mujh ko

zaKHm gahra hi sahi zaKHm hai bhar jaega

pyaar kī jot se ghar ghar hai charāġhāñ varna

ek bhī sham.a na raushan ho havā ke Dar se

pyar ki jot se ghar ghar hai charaghan warna

ek bhi shama na raushan ho hawa ke Dar se

ye ek abr kā TukḌā kahāñ kahāñ barse

tamām dasht hī pyāsā dikhā.ī detā hai

ye ek abr ka TukDa kahan kahan barse

tamam dasht hi pyasa dikhai deta hai