تیرے ہاتھوں نے جو تھاما ہے کسی اور کا ہاتھ

میری آنکھوں کو یہی ایک نظارہ دکھ ہے

اب لوگ لکھ رہے ہیں محبت کی داستان

ملبے سے میرے اس کی نشانی نکال کر

یہ دیکھنے کے لیے اس نے پھر سے توڑ دیا

کہ کیسے ٹوٹا ہوا دل دوبارہ بنتا ہے

جہاں سے سیفؔ ہمیں کچھ نظر نہیں آتا

وہیں سے راستہ اکثر ہمارا بنتا ہے

بنتا رہا بگڑتا رہا عمر بھر یہ دل

لیکن تمام عمر یہ پتھر نہ بن سکا

وہ بد نصیب لوگ بڑے بد نصیب لوگ

پیاسے رہے زمین سے پانی نکال کر

ایسی حالت میں تو مر جاتے ہیں اچھے اچھے

ہم نے جس حال میں اس بار گزارا دکھ ہے

یہ سوچ کر کے کبھی جھوٹ بول لیتے ہیں

ہر ایک شخص سے اب رابطہ خراب نہ ہو

عجیب شخص ہے عرفانؔ ہم سے چاہتا ہے

کے پیڑ کاٹ دیں اور گھونسلہ خراب نہ ہو

مسند کے آگے اتنا جھکایا ہے اپنا سر

بچوں کا میرے دھڑ تو بنا سر نہ بن سکا