میں ذہنی طور پہ آوارہ ہوتا جاتا ہوں

مرے شعور مجھے اپنی حد کے اندر کھینچ

ابھی ستاروں میں باقی ہے زندگی کی رمق

کچھ اور دیر ذرا نرم گرم چادر کھینچ

یہ کھلا جسم کھلے بال یہ ہلکے ملبوس

تم نئی صبح کا آغاز کرو گے شاید

ہر خواب شکستہ ہے تعمیر نشیمن کا

ہر صبح کے ماتھے پر بازار کی گرمی ہے

میں اجالے کو محبت کا خدا لکھتا ہوں

وہ اندھیرے ہی سے مانوس ہوا جاتا ہے

تاریخ بتائے گی وہ قطرہ ہے کہ دریا

آنسو ہے ابھی وقت کے قدموں میں پڑا ہے

گم صم سا کھڑا ہے کوئی دروازۂ دل پر

اس شام کا منظر تو دل آویز بہت ہے

زمانہ تجھ کو حریف کہہ لے اسے یہ حق ہے

مری نظر میں تو دیوتا ہے یہی بہت ہے

اسی لئے تو یہ دنیا دھلی دھلی سی لگے

ترے فراق میں روئے ہیں زار زار ابھی

ادائے خار سے گلشن کی بڑھ گئی زینت

اگرچہ پھولوں کے دامن ہیں تار تار ابھی

ستاتی ہے تمہاری یاد جب مجھ کو شب ہجراں

مجھے خود اپنی ہستی اجنبی معلوم ہوتی ہے

تمہاری گفتگو سے آس کی خوشبو چھلکتی ہے

جہاں تم ہو وہاں پہ زندگی معلوم ہوتی ہے