Agha Shayar Qazalbash's Photo'

Agha Shayar Qazalbash

1871 - 1940 | Delhi, India

One of the prominent later classical Delhi poets. Desciple of Dagh Dehlavi.

One of the prominent later classical Delhi poets. Desciple of Dagh Dehlavi.

2.5K
Favorite

SORT BY

pahle is meñ ik adā thī naaz thā andāz thā

rūThnā ab to tirī aadat meñ shāmil ho gayā

pahle is mein ek ada thi naz tha andaz tha

ruThna ab to teri aadat mein shamil ho gaya

tum kahāñ vasl kahāñ vasl ummīd kahāñ

dil ke bahkāne ko ik baat banā rakhī hai

tum kahan wasl kahan wasl ki ummid kahan

dil ke bahkane ko ek baat bana rakhi hai

baḌe sīdhe-sādhe baḌe bhole-bhāle

koī dekhe is vaqt chehrā tumhārā

baDe sidhe-sadhe baDe bhole-bhaale

koi dekhe is waqt chehra tumhaara

abrū na sañvārā karo kaT jā.egī uñglī

nādān ho talvār se khelā nahīñ karte

abru na sanwara karo kaT jaegi ungli

nadan ho talwar se khela nahin karte

pāmāl kar ke pūchhte haiñ kis adā se vo

is dil meñ aag thī mire talve jhulas ga.e

pamal kar ke puchhte hain kis ada se wo

is dil mein aag thi mere talwe jhulas gae

is liye kahte the dekhā muñh lagāne maza

ā.īna ab aap madd-e-muqābil ho gayā

is liye kahte the dekha munh lagane ka maza

aaina ab aap ka madd-e-muqabil ho gaya

hamīñ haiñ maujib-e-bāb-e-fasāhat hazrat-e-'shā.ir'

zamāna sīkhtā hai ham se ham vo dillī vaale haiñ

hamin hain maujib-e-bab-e-fasahat hazrat-e-'shair'

zamana sikhta hai hum se hum wo dilli wale hain

ik baat kaheñ tum se ḳhafā to nahīñ hoge

pahlū meñ hamāre dil-e-muztar nahīñ miltā

ek baat kahen tum se KHafa to nahin hoge

pahlu mein hamare dil-e-muztar nahin milta

kis tarah javānī meñ chalūñ raah pe nāseh

ye umr aisī hai sujhā.ī nahīñ detā

kis tarah jawani mein chalun rah pe naseh

ye umr hi aisi hai sujhai nahin deta

milnā na milnā ye to muqaddar baat hai

tum ḳhush raho raho mire pyāre jahāñ kahīñ

milna na milna ye to muqaddar ki baat hai

tum KHush raho raho mere pyare jahan kahin

kaleje meñ hazāroñ daaġh dil meñ hasrateñ lākhoñ

kamā.ī le chalā huuñ saath apne zindagī bhar

kaleje mein hazaron dagh dil mein hasraten lakhon

kamai le chala hun sath apne zindagi bhar ki

lo ham batā.eñ ġhuncha-o-gul meñ hai farq kyā

ik baat hai kahī huī ik be-kahī huī

lo hum bataen ghuncha-o-gul mein hai farq kya

ek baat hai kahi hui ek be-kahi hui

mire karīm ināyat se terī kyā na milā

gunāh kar ke bhī be-muzad āb-o-dāna milā

mere karim inayat se teri kya na mila

gunah kar ke bhi be-muzad aab-o-dana mila