ḳhudā-yā apne kun kī laaj rakh le

tirā shahkār zaa.e' ho rahā hai

KHuda-ya apne kun ki laj rakh le

tera shahkar zae' ho raha hai

mujhe charāġh bujhānā paḌā thā majbūran

tumhārā saayā nahīñ jā rahā thā kyā kartā

mujhe charagh bujhana paDa tha majburan

tumhaara saya nahin ja raha tha kya karta

qum-be-iznil-ishq se dil zinda karegā

ye mujh se mohabbat ke masīhā ne kahā hai

qum-be-iznil-ishq se dil zinda karega

ye mujh se mohabbat ke masiha ne kaha hai

javāb aa.e na aa.e shikan to aa.egī

savāl pūchh hī lenā agarche Darte hue

jawab aae na aae shikan to aaegi

sawal puchh hi lena agarche Darte hue

jise bhulā diye jaane ke dukh ne maar diyā

pata chalā hai use yaad kar rahā thā koī

jise bhula diye jaane ke dukh ne mar diya

pata chala hai use yaad kar raha tha koi