کروں کس کا گلہ کہتے ہوئے بھی شرم آتی ہے

رقیب افسوس اپنے ہی پرانے آشنا نکلے

اٹھانے والے ہمیں بزم سے ذرا یہ دیکھ

کہ ٹوٹتا ہے غریبوں کا آسرا کیسے

میری جنت تری نگاہ کرم

مجھ سے پھر جائے یہ خدا نہ کرے

نہ ملنے پر بھی اسے عیشؔ پیار کرتا ہوں

یوں اونچا کر دیا معیار زندگی میں نے

بڑھتی رہی نگاہ بہکتے رہے قدم

گزرا ہے اس طرح بھی زمانہ شباب کا

یہ بھی کوئی زندگی میں زندگی ہے ہم نفس

دل کہیں ہے ہم کہیں ہیں اور جانانہ کہیں

سائل آیا ہے ترے در پہ خودی کو کھو کر

دیکھنا ہے مجھے کیا آج عطا ہوتا ہے

آنکھوں کو تمنا ہے خاک در جاناں کی

خاک در ہر کوچہ اکسیر نہیں ہوتی