ہم ایک جاں ہی سہی دل تو اپنے اپنے تھے

کہیں کہیں سے فسانہ جدا تو ہونا تھا

میں آئنہ تھا چھپاتا کسی کو کیا راحت

وہ دیکھتا مجھے جب بھی خفا تو ہونا تھا

اب عناصر میں توازن ڈھونڈنے جائیں کہاں

ہم جسے ہم راز سمجھے پاسباں نکلا ترا

ذات کے پردے سے باہر آ کے بھی تنہا رہوں

میں اگر ہوں اجنبی تو میرے گھر میں کون ہے

شور کرتا پھر رہا ہوں خشک پتوں کی طرح

کوئی تو پوچھے کہ شہر بے خبر میں کون ہے

کس طرح اجڑے سلگتی ہوئی یادوں کے دیے

ہمدمو دل کے قریب آؤ رکو اور سنو

رات کے پچھلے پہر دھیان ترا

کوئی سائے میں کھڑا ہو جیسے