Amir Usmani's Photo'

عامر عثمانی

1920 - 1975 | سہارن پور, ہندوستان

ممتاز نثار،طنز نگار اور شاعر

ممتاز نثار،طنز نگار اور شاعر

عامر عثمانی کے اشعار

1.5K
Favorite

باعتبار

چند الفاظ کے موتی ہیں مرے دامن میں

ہے مگر تیری محبت کا تقاضا کچھ اور

آبلوں کا شکوہ کیا ٹھوکروں کا غم کیسا

آدمی محبت میں سب کو بھول جاتا ہے

باقی ہی کیا رہا ہے تجھے مانگنے کے بعد

بس اک دعا میں چھوٹ گئے ہر دعا سے ہم

عشق کے مراحل میں وہ بھی وقت آتا ہے

آفتیں برستی ہیں دل سکون پاتا ہے

اس کے وعدوں سے اتنا تو ثابت ہوا اس کو تھوڑا سا پاس تعلق تو ہے

یہ الگ بات ہے وہ ہے وعدہ شکن یہ بھی کچھ کم نہیں اس نے وعدے کیے

سبق ملا ہے یہ اپنوں کا تجربہ کر کے

وہ لوگ پھر بھی غنیمت ہیں جو پرائے ہیں

یہ قدم قدم بلائیں یہ سواد کوئے جاناں

وہ یہیں سے لوٹ جائے جسے زندگی ہو پیاری

مری زندگی کا حاصل ترے غم کی پاسداری

ترے غم کی آبرو ہے مجھے ہر خوشی سے پیاری

ہمیں آخرت میں عامرؔ وہی عمر کام آئی

جسے کہہ رہی تھی دنیا غم عشق میں گنوا دی

ظاہراً توڑ لیا ہم نے بتوں سے رشتہ

پھر بھی سینے میں صنم خانہ بسا ہے یارو

کتنی پامال امنگوں کا ہے مدفن مت پوچھ

وہ تبسم جو حقیقت میں فغاں ہوتا ہے

عشق سر تا بہ قدم آتش سوزاں ہے مگر

اس میں شعلہ نہ شرارہ نہ دھواں ہوتا ہے

عقل تھک کر لوٹ آئی جادۂ آلام سے

اب جنوں آغاز فرمائے گا اس انجام سے