maiñ pūchh letā huuñ yāroñ se rat-jagoñ kā sabab

magar vo mujh se mire ḳhvāb pūchh lete haiñ

main puchh leta hun yaron se rat-jagon ka sabab

magar wo mujh se mere KHwab puchh lete hain

banānā paḌtā hai apne badan ko chhat apnī

aur apne saa.e ko dīvār karnā paḌtā hai

banana paDta hai apne badan ko chhat apni

aur apne sae ko diwar karna paDta hai

kitne ma.anī rakhtā hai zarā ġhaur to kar

kūza-gar ke haath meñ honā miTTī kā

kitne mani rakhta hai zara ghaur to kar

kuza-gar ke hath mein hona miTTi ka

maiñ use sub.h na jānūñ jo tire sañg nahīñ

maiñ use shaam na mānūñ ki jo tere bin hai

main use subh na jaanun jo tere sang nahin

main use sham na manun ki jo tere bin hai

yaqīn barsoñ kā imkān kuchh dinoñ kā huuñ

maiñ tere shahr meñ mehmān kuchh dinoñ kā huuñ

yaqin barson ka imkan kuchh dinon ka hun

main tere shahr mein mehman kuchh dinon ka hun