haath bhar duurī pe hai qismat kī chābī aap kī

ek chhoTā sā qadam aur kāmyābī aap kī

hath bhar duri pe hai qismat ki chabi aap ki

ek chhoTa sa qadam aur kaamyabi aap ki

maiñ ne qubūl kar liyā chup chaap vo gulāb

jo shāḳh de rahī thī tirī or se mujhe

main ne qubul kar liya chup chap wo gulab

jo shaKH de rahi thi teri or se mujhe

'mīr' jī ishq maanā ki ne.amat nahīñ par maiñ is ko balā bhī nahīñ māntā

māntā huuñ ḳhudā-e-suḳhan bhī tumheñ aur hukm-e-ḳhudā bhī nahīñ māntā

'mir' ji ishq mana ki neamat nahin par main is ko bala bhi nahin manta

manta hun KHuda-e-suKHan bhi tumhein aur hukm-e-KHuda bhi nahin manta

unhoñ ne apne mutābiq sazā sunā dī hai

hameñ sazā ke mutābiq bayān denā hai

unhon ne apne mutabiq saza suna di hai

hamein saza ke mutabiq bayan dena hai

vo shānt baiThā hai kab se maiñ shor kyoñ na karūñ

bas ek baar vo kah de ki chup to chuuñ na karūñ

wo shant baiTha hai kab se main shor kyon na karun

bas ek bar wo kah de ki chup to chun na karun