dīvāngī kā sabab pūchhā jā rahā thā mirī

maiñ chup thā aur hujūm us kā naam le rahā thā

diwangi ka sabab puchha ja raha tha meri

main chup tha aur hujum us ka nam le raha tha

hijr kī raat hai aur aañkh meñ aañsū bhī nahīñ

aise mausam meñ to barsāt huā kartī thī

hijr ki raat hai aur aankh mein aansu bhi nahin

aise mausam mein to barsat hua karti thi

jo apnā hissa bhī auroñ meñ baañT detā hai

ik aise shaḳhs ke hisse meñ aa ga.e the ham

jo apna hissa bhi auron mein banT deta hai

ek aise shaKHs ke hisse mein aa gae the hum

dar-asl maiñ ne mashaqqat nahīñ mohabbat kī

hatheliyoñ pe nahīñ mere dil pe chhāle haiñ

dar-asl main ne mashaqqat nahin mohabbat ki

hatheliyon pe nahin mere dil pe chhaale hain

us vaqt ke sadmoñ ne mujhe chaaT liyā hai

jo vaqt abhī maiñ ne guzārā bhī nahīñ thā

us waqt ke sadmon ne mujhe chaT liya hai

jo waqt abhi main ne guzara bhi nahin tha