unhoñ ne apne mutābiq sazā sunā dī hai

hameñ sazā ke mutābiq bayān denā hai

unhon ne apne mutabiq saza suna di hai

hamein saza ke mutabiq bayan dena hai

ab ke milī shikast mirī or se mujhe

jitvā diyā gayā kisī kamzor se mujhe

ab ke mili shikast meri or se mujhe

jitwa diya gaya kisi kamzor se mujhe

ḳhatā.eñ is liye kartā huuñ maiñ ki jāntā huuñ

sazā mujhe hī milegī ḳhatā karūñ na karūñ

KHataen is liye karta hun main ki jaanta hun

saza mujhe hi milegi KHata karun na karun

haath bhar duurī pe hai qismat kī chābī aap kī

ek chhoTā sā qadam aur kāmyābī aap kī

hath bhar duri pe hai qismat ki chabi aap ki

ek chhoTa sa qadam aur kaamyabi aap ki

maiñ ne qubūl kar liyā chup chaap vo gulāb

jo shāḳh de rahī thī tirī or se mujhe

main ne qubul kar liya chup chap wo gulab

jo shaKH de rahi thi teri or se mujhe

tumheñ ye ġham hai ki ab chiTThiyāñ nahīñ ātīñ

hamārī socho hameñ hichkiyāñ nahīñ ātīñ

tumhein ye gham hai ki ab chiTThiyan nahin aatin

hamari socho hamein hichkiyan nahin aatin

vo shānt baiThā hai kab se maiñ shor kyoñ na karūñ

bas ek baar vo kah de ki chup to chuuñ na karūñ

wo shant baiTha hai kab se main shor kyon na karun

bas ek bar wo kah de ki chup to chun na karun

koī ḳhat-vat nahīñ phāḌā koī tohfa nahīñ toḌā

ki vo dekhe to ḳhud soche ki dil toḌā nahīñ toḌā

koi KHat-wat nahin phaDa koi tohfa nahin toDa

ki wo dekhe to KHud soche ki dil toDa nahin toDa

'mīr' jī ishq maanā ki ne.amat nahīñ par maiñ is ko balā bhī nahīñ māntā

māntā huuñ ḳhudā-e-suḳhan bhī tumheñ aur hukm-e-ḳhudā bhī nahīñ māntā

'mir' ji ishq mana ki neamat nahin par main is ko bala bhi nahin manta

manta hun KHuda-e-suKHan bhi tumhein aur hukm-e-KHuda bhi nahin manta

charāġh raushan zarūr kar to par is se pahle ḳhudā kī ḳhātir

yahāñ pe phailā hai jo añdherā sameT zer-e-charāġh rakh de

charagh raushan zarur kar to par is se pahle KHuda ki KHatir

yahan pe phaila hai jo andhera sameT zer-e-charagh rakh de