انھوں نے اپنے مطابق سزا سنا دی ہے

ہمیں سزا کے مطابق بیان دینا ہے

اب کے ملی شکست مری اور سے مجھے

جتوا دیا گیا کسی کمزور سے مجھے

خطائیں اس لئے کرتا ہوں میں کہ جانتا ہوں

سزا مجھے ہی ملے گی خطا کروں نہ کروں

ہاتھ بھر دوری پہ ہے قسمت کی چابی آپ کی

ایک چھوٹا سا قدم اور کامیابی آپ کی

میں نے قبول کر لیا چپ چاپ وہ گلاب

جو شاخ دے رہی تھی تری اور سے مجھے

تمہیں یہ غم ہے کہ اب چٹھیاں نہیں آتیں

ہماری سوچو ہمیں ہچکیاں نہیں آتیں

وہ شانت بیٹھا ہے کب سے میں شور کیوں نہ کروں

بس ایک بار وہ کہہ دے کہ چپ تو چوں نہ کروں

کوئی خط وت نہیں پھاڑا کوئی تحفہ نہیں توڑا

کہ وہ دیکھے تو خود سوچے کہ دل توڑا نہیں توڑا

میرؔ جی عشق مانا کہ نعمت نہیں پر میں اس کو بلا بھی نہیں مانتا

مانتا ہوں خدائے سخن بھی تمہیں اور حکم خدا بھی نہیں مانتا

چراغ روشن ضرور کر تو پر اس سے پہلے خدا کی خاطر

یہاں پہ پھیلا ہے جو اندھیرا سمیٹ زیر چراغ رکھ دے