tumhārā saath mil jaane se pahle

akelā-pan mujhe khaltā nahīñ thā

tumhaara sath mil jaane se pahle

akela-pan mujhe khalta nahin tha

sukūñ tum zahr khā kar pā gaye ho

yahāñ qistoñ meñ ham to mar rahe haiñ

sukun tum zahr kha kar pa gaye ho

yahan qiston mein hum to mar rahe hain

yuuñ bhī us ko bhūlnā dushvār hai

aur us meñ 'aib bhī koī nahīñ

yun bhi us ko bhulna dushwar hai

aur us mein 'aib bhi koi nahin

ab parinde bhī is ko chhoḌ chale

ye shajar jald girne vaalā hai

ab parinde bhi is ko chhoD chale

ye shajar jald girne wala hai

us ko duniyā-dār banāyā

dekh rakhī thī duniyā ham ne

us ko duniya-dar banaya

dekh rakhi thi duniya hum ne

kuchh is liye bhī maiñ chup huuñ tire satāne par

maiñ chāhtā huuñ mirā zabt ik misāl bane

kuchh is liye bhi main chup hun tere satane par

main chahta hun mera zabt ek misal bane

bas TuuTī kashtī hī batlā saktī hai

ik dariyā kī kitnī shakleñ hotī haiñ

bas TuTi kashti hi batla sakti hai

ek dariya ki kitni shaklen hoti hain

pahle to banvā.ī jaatī hai khiḌkī

phir us meñ parda lagvāyā jaatā hai

pahle to banwai jati hai khiDki

phir us mein parda lagwaya jata hai

ik muddat kā pyāsā ye kaise samjhe

dariyā ke aage bhī rasta jaatā hai

ek muddat ka pyasa ye kaise samjhe

dariya ke aage bhi rasta jata hai

ab use dekh ke ḳhush huuñ to gumāñ hotā hai

us kī āñkhoñ ne bahut raah takī hai merī

ab use dekh ke KHush hun to guman hota hai

us ki aankhon ne bahut rah taki hai meri

āñkhoñ ko bīnā.ī chubhne lagtī hai

duniyā meñ kuchh manzar aise hote haiñ

aankhon ko binai chubhne lagti hai

duniya mein kuchh manzar aise hote hain

vo agar mahv-e-du'ā ho to use apnā kaheñ

varna ik baar to duniyā bhī du'ā kartī hai

wo agar mahw-e-du'a ho to use apna kahen

warna ek bar to duniya bhi du'a karti hai

mere 'aib ujāgar honā lāzim hai

ujlī ho dīvār to dhabbe dikhte haiñ

mere 'aib ujagar hona lazim hai

ujli ho diwar to dhabbe dikhte hain

raah ke naqsh-e-pā batāte haiñ

bojh kitnā thā us musāfir par

rah ke naqsh-e-pa batate hain

bojh kitna tha us musafir par

maiñ havāoñ se laḌā huuñ jis kī ḳhātir 'umr bhar

us diye ne hī mire ghar ko jalā kar rakh diyā

main hawaon se laDa hun jis ki KHatir 'umr bhar

us diye ne hi mere ghar ko jala kar rakh diya

dhund ne chhīn lī thī bīnā.ī

aur ham the diye jalāte rahe

dhund ne chhin li thi binai

aur hum the diye jalate rahe

regzāroñ meñ biij bo kar ham

abr par tohmateñ lagāte rahe

regzaron mein bij bo kar hum

abr par tohmaten lagate rahe

hameñ hī nahīñ dastakoñ kā shu'ūr

vagarna vo darvāza khultā to hai

hamein hi nahin dastakon ka shu'ur

wagarna wo darwaza khulta to hai

dhuup itnī tez thī kahnā paḌā

saa.e kī mujh ko zarūrat hī nahīñ

dhup itni tez thi kahna paDa

sae ki mujh ko zarurat hi nahin

jo kashtī toḌte ho paar aa kar

kahīñ phir lauT kar jaanā paḌā to

jo kashti toDte ho par aa kar

kahin phir lauT kar jaana paDa to

ham ko thoḌā rone do khul jā.egā

ham ne kis ke kitne aañsū poñchhe haiñ

hum ko thoDa rone do khul jaega

hum ne kis ke kitne aansu ponchhe hain

pahlū meñ jis ke raat hai aur ḳhvāb muntazir

baiThī hai us se niiñd kinārā kiye hue

pahlu mein jis ke raat hai aur KHwab muntazir

baiThi hai us se nind kinara kiye hue

aa.ina ā.inoñ se bhiDne lage

de gayā aisā mashvara koī

aaina aainon se bhiDne lage

de gaya aisa mashwara koi

jurm meñ mere hue tum bhī sharīk

ab mirā zauq-e-nadāmat bhī gayā

jurm mein mere hue tum bhi sharik

ab mera zauq-e-nadamat bhi gaya

tumhārā gaañv aa.egā safar meñ

so khiḌkī kī taraf baiThe nahīñ ham

tumhaara ganw aaega safar mein

so khiDki ki taraf baiThe nahin hum

fikr maalī kī baḌhne vaalī hai

peḌ phaldār hone vaale haiñ

fikr mali ki baDhne wali hai

peD phaldar hone wale hain

ab ḳhvāhish-e-savāb na sajde kī hai ġharaz

maulā bhī mast mast hai bandā bhī mast mast

ab KHwahish-e-sawab na sajde ki hai gharaz

maula bhi mast mast hai banda bhi mast mast