bichhaḌne vaale jin meñ phir se mil jaa.eñ

vo filmeñ dekhnī hī chhoḌ dī haiñ

bichhaDne wale jin mein phir se mil jaen

wo filmen dekhni hi chhoD di hain

bārish ke din nazar yahāñ pal bhar na aatā maiñ

vo mere saath hotī to daftar na aatā maiñ

barish ke din nazar yahan pal bhar na aata main

wo mere sath hoti to daftar na aata main

tujh se shab bhar kalām karne ko

ek tasvīr terī kaafī hai

tujh se shab bhar kalam karne ko

ek taswir teri kafi hai

pahle to barbādiyoñ kā jashn honā chāhiye

baa'd meñ ārām se achchhe se ronā chāhiye

pahle to barbaadiyon ka jashn hona chahiye

ba'd mein aaram se achchhe se rona chahiye

bhūlnā is liye mushkil nahīñ lagtā mujh ko

mere siine meñ ye dil dil nahīñ lagtā mujh ko

bhulna is liye mushkil nahin lagta mujh ko

mere sine mein ye dil dil nahin lagta mujh ko

'umr bhar apne usūloñ pe hī chaltā aayā

sab girāte rahe mujh ko maiñ sañbhaltā aayā

'umr bhar apne usulon pe hi chalta aaya

sab giraate rahe mujh ko main sanbhalta aaya

daġhā de kar mujhe vo bevafā tā-'umr roī

kisī kā dil dukhā kar ḳhush nahīñ rah saktā koī

dagha de kar mujhe wo bewafa ta-'umr roi

kisi ka dil dukha kar KHush nahin rah sakta koi

mire kamre kī battī band ho to tere hāthoñ se

vagarna chhat pe taare dekh kar hī 'umr guzregī

mere kamre ki batti band ho to tere hathon se

wagarna chhat pe tare dekh kar hi 'umr guzregi

tumheñ kuchh saal lene chāhiyeñ inkār karne meñ

hameñ 'umreñ lagī haiñ jur.at-e-iz.hār karne meñ

tumhein kuchh sal lene chahiyen inkar karne mein

hamein 'umren lagi hain jurat-e-izhaar karne mein