apne dushman ko bhī mohabbat de

ishq ke dā.ere ko vus.at de

apne dushman ko bhi mohabbat de

ishq ke daere ko wusat de

aap siine meñ chhupāte haiñ mohabbat apnī

ham ko dīvār ke pīchhe bhī nazar aatā hai

aap sine mein chhupate hain mohabbat apni

hum ko diwar ke pichhe bhi nazar aata hai

ḳhvāb sachchā ho to mub.ham nahīñ rahtā 'ātir'

dil vo yūsuf hai ki tā'bīr batā detā hai

KHwab sachcha ho to mubham nahin rahta 'atir'

dil wo yusuf hai ki ta'bir bata deta hai

na jaane kaun sī ġhurbat hai merī āñkhoñ meñ

ki us badan meñ ḳhazāne talāsh kartā huuñ

na jaane kaun si ghurbat hai meri aankhon mein

ki us badan mein KHazane talash karta hun

tumheñ hamesha zarūrat pakaḌ ke laatī hai

kabhī to aao mire ghar mire havāle se

tumhein hamesha zarurat pakaD ke lati hai

kabhi to aao mere ghar mere hawale se