پھول کھلتے ہیں تو لگتا ہے ترے ہونٹوں نے

مسکراہٹ کو بڑے ناز سے آزاد کیا

آپ نے جس کو فرشتے کا دیا تھا درجہ

اس کی انسانوں سی فطرت ہے تو حیرت کیا ہے

احسان لے کے دل سے کریں شکریہ ادا

دنیا میں کم ہیں جن میں یہ غیرت ہے آج کل

جو اوروں کو اڑتے ہوئے دیکھتا ہو

وہ پنجرے میں کیسے سکوں سے رہے گا

مرے قلم کی سیاہی میں عشق ہے تیرا

مرا یہ نام یہ شہرت تری بدولت ہے

ہجر میں شدت دکھاتے ہیں سبھی عاشق مگر

لطف تب ہے وصل ہو پر آرزو باقی رہے

جو حقیقت سے خوف کھانے لگے

خواب ایسے میں دیکھتا ہی نہیں

ناچے ہے محبت کی یہ سر تال پہ خود ہی

دل کو یہ ہنر یار سکھایا نہیں جاتا

عجب احساس ہے کہ جب اسے دیکھوں

مجھے پہلی محبت یاد آتی ہے

امیدوں سے کرو آزاد اور پھر

محبت کی صنم پرواز دیکھو