مجھ کو اوروں سے کچھ نہیں ہے کام

تجھ سے ہر دم امیدواری ہے

رات دن تو رہے رقیباں سنگ

دیکھنا تیرا مجھ محال ہوا

وہ تماشا و کھیل ہولی کا

سب کے تن رخت کیسری ہے یاد

گڑ سیں میٹھا ہے بوسہ تجھ لب کا

اس جلیبی میں قند و شکر ہے

حسن بے ساختہ بھاتا ہے مجھے

سرمہ انکھیاں میں لگایا نہ کرو

تجھ کو ہے ہم سے جدائی آرزو

میرے دل میں شوق ہے دیدار کا

تجھ بدن پر جو لال ساری ہے

عقل اس نے مری بساری ہے

تیرے ملاپ بن نہیں فائزؔ کے دل کو چین

جیوں روح ہو بسا ہے تو اس کے بدن میں آ

جب سجیلے خرام کرتے ہیں

ہر طرف قتل عام کرتے ہیں

میں گرفتار ہوں ترے مکھ پر

جگ میں نئی اور کچھ پسند مجھے

جو کہیے اس کے حق میں کم ہے بے شک

پری ہے حور ہے روح الامیں ہے

میں نے کہا کہ گھر چلے گی میرے ساتھ آج

کہنے لگی کہ ہم سوں نہ کر بات تو بری

وہی قدر فائزؔ کی جانے بہت

جسے عشق کا زخم کاری لگے

ابر کا سایہ و سبزہ راہ کا

جان من رتھ کی سواری یاد ہے

خوب رو آشنا ہیں فائزؔ کے

مل سبھی رام رام کرتے ہیں

منہ باندھ کر کلی سا نہ رہ میرے پاس تو

خنداں ہو کر کے گل کی صفت ٹک سخن میں آ

خاک سیتی سجن اٹھا کے کیا

عشق تیرے نے سر بلند مجھے

پانی ہووے آرسی اس مکھ کو دیکھ

زہرہ اسے کیا کہ اقامت کرے

عشاق جاں بکف کھڑے ہیں تیرے آس پاس

اے دل ربائے غارت جاں اپنے فن میں آ

کرے رشک گلستاں دل کو فائزؔ

مرا ساجن بہار انجمن ہے

گل کوں اے شوخ مکھ تنک دکھلا

کہ خزاں کر دکھا دے اس کوں بہار