kabhī sahar to kabhī shaam le gayā mujh se

tumhārā dard ka.ī kaam le gayā mujh se

kabhi sahar to kabhi sham le gaya mujh se

tumhaara dard kai kaam le gaya mujh se

us ke baare meñ bahut sochtā huuñ

mujh se bichhḌā to kidhar jā.egā

us ke bare mein bahut sochta hun

mujh se bichhDa to kidhar jaega

use ziyāda zarūrat thī ghar basāne kī

vo aa ke mere dar-o-bām le gayā mujh se

use ziyaada zarurat thi ghar basane ki

wo aa ke mere dar-o-baam le gaya mujh se

saañs letā huuñ to rotā hai koī siine meñ

dil dhaḌaktā hai to mātam kī sadā aatī hai

sans leta hun to rota hai koi sine mein

dil dhaDakta hai to matam ki sada aati hai

maiñ be-ḳhayāl kabhī dhuup meñ nikal aa.uuñ

to kuchh sahāb mire saath saath chalte haiñ

main be-KHayal kabhi dhup mein nikal aaun

to kuchh sahab mere sath sath chalte hain

mire añg añg meñ bas ga.ī

ye jo shā.irī hai ye kaun hai

mere ang ang mein bas gai

ye jo shairi hai ye kaun hai

anā kī jang meñ ham jiit to ga.e lekin

phir us ke baad bahut der tak niDhāl rahe

ana ki jang mein hum jit to gae lekin

phir us ke baad bahut der tak niDhaal rahe