بارش ہوئی تو گھر کے دریچے سے لگ کے ہم

چپ چاپ سوگوار تمہیں سوچتے رہے

کبھی سحر تو کبھی شام لے گیا مجھ سے

تمہارا درد کئی کام لے گیا مجھ سے

اس کے بارے میں بہت سوچتا ہوں

مجھ سے بچھڑا تو کدھر جائے گا

سانس لیتا ہوں تو روتا ہے کوئی سینے میں

دل دھڑکتا ہے تو ماتم کی صدا آتی ہے

اسے زیادہ ضرورت تھی گھر بسانے کی

وہ آ کے میرے در و بام لے گیا مجھ سے

انا کی جنگ میں ہم جیت تو گئے لیکن

پھر اس کے باد بہت دیر تک نڈھال رہے

میں بے خیال کبھی دھوپ میں نکل آؤں

تو کچھ سحاب مرے ساتھ ساتھ چلتے ہیں

مرے انگ انگ میں بس گئی

یہ جو شاعری ہے یہ کون ہے