hisār-e-ḳhauf-o-hirās meñ hai butān-e-vahm-o-gumāñ kī bastī

mujhe ḳhabar hī nahīñ ki ab maiñ junūb meñ yā shumāl meñ huuñ

hisar-e-KHauf-o-hiras mein hai butan-e-wahm-o-guman ki basti

mujhe KHabar hi nahin ki ab main junub mein ya shumal mein hun

kāñch ke alfāz kāġhaz par na rakh

sañg-e-ma.anī ban ke Takrā.ūñgā maiñ

kanch ke alfaz kaghaz par na rakh

sang-e-mani ban ke Takraunga main

maiñ huuñ 'muztar' badan kī nagrī meñ

mere hisse meñ lā-makāñ likhnā

main hun 'muztar' badan ki nagri mein

mere hisse mein la-makan likhna

qadroñ kī hadeñ toḌ na.ī tarah nikāl

dam tujh meñ agar hai to bāġhī ho jā

qadron ki haden toD nai tarah nikal

dam tujh mein agar hai to baghi ho ja

sunā hai log vahāñ mujh se ḳhaar khāte haiñ

fasāna aam jahāñ merī bebasī kā hai

suna hai log wahan mujh se KHar khate hain

fasana aam jahan meri bebasi ka hai