یہاں ہم بیٹھ کر چائے کے اک کپ کو ترستے ہیں

وہاں سب لے کے بسکٹ کیک کے انبار بیٹھے ہیں

گر یہی مہنگائی کا عالم رہا تو ایک دن

بیچنا پڑ جائے گا ہم کو بھی اپنا پیرہن

دال روٹی سے پریشان ہیں حجرے کے مکین

مولوی مرغ چرائے تو غزل ہوتی ہے

ذرا دیکھ اس کے نخرے نہیں کھاتی دال روٹی

میں کھلاتا اس کو صدقہ جو یہاں مزار ہوتا

اپنی شوخی سے نہ باز آئے تم اب بھی حمادؔ

شیخ سے پوچھ لیا راستہ مے خانے کا

نوکر ہوں داماد نہیں ہوں کرتا ہوں گھر کے سب کام

تھکن سے حال خراب ہے میرا پیلا ہو گیا ماں کا لال

ہو گیا ہے گھر میں کچھ زیادہ سکوں

گھر میں اب بچوں کی نانی چاہئے

شب بیتی چاند بھی ڈوب چلا اب پاؤں دبانا بند کرو

اٹھو جلدی آٹا گوندھو تمہیں ناشتہ نہیں بنانا کیا

ساس آ جائے تو کیوں گھر سے چپک جاتی ہے

یہ معمہ ہے سمجھنے کا نہ سمجھانے کا

بنے ہم جو تیرے دولہا پڑا جھونکنا یہ چولہا

نہ نکاح تجھ سے کرتے نہ یہ حال زار ہوتا

اس کی ہر ایک بات میں چپکے سے مان لیتا ہوں

جس کو ہو جان و دل عزیز اس کے خلاف جائے کیوں

بیوی کی زبان درازی سے جھنجھلاتے ہو گھبراتے ہو

جب شادی کر ہی بیٹھے ہو تو پھر اب شور مچانا کیا

دہل جاتے ہیں بیوی کی گرج سے

بس اب کچھ ایسی حالت ہو گئی ہے

عزت نفس کا سودا کر کے خون کے گھونٹ پئے ہر دم

بھیگی بلی بن کر ہم نے اپنی عمر بتائی تھی

ہماری بلی اور ہم سے ہی میاؤں ہائے ری قسمت

مگر ہم کیا کریں کہ قول اپنا ہار بیٹھے ہیں

ہو مرا کام ہر اک دیسی کے ہتھے چڑھنا

آدھی تنخواہ پر ہنس ہنس کے گزارا کرنا

مرے گھر میں آ کے رہنے کی سزا میں اس کو دیتا

کبھی ڈاکٹر نہ لاتا جو اسے بخار ہوتا

ساس سسر کی خدمت میں ہمیں سارا دن لگ جاتا تھا

پھر بھی ہم کو بیوی نے ہر بات پہ ڈانٹ پلائی تھی