ham donoñ ek shahr meñ rahne ke bā-vajūd

milte nahīñ agar to koī ḳhaas baat hai

hum donon ek shahr mein rahne ke ba-wajud

milte nahin agar to koi KHas baat hai

ye bichhaḌte vaqt kahnā chāhtā thā sāhibā

maiñ tumhāre saath rahnā chāhtā thā sāhibā

ye bichhaDte waqt kahna chahta tha sahiba

main tumhaare sath rahna chahta tha sahiba

vo chāhte yahī the aaj baat ḳhatm ho

so baat ḳhatm yuuñ huī ki ḳhatm ho ga.ī

wo chahte yahi the aaj baat KHatm ho

so baat KHatm yun hui ki KHatm ho gai

us sāñvlī ko aur koī dekhtā na thā

us sāñvlī ko is liye bhī dekhtā thā maiñ

us sanwli ko aur koi dekhta na tha

us sanwli ko is liye bhi dekhta tha main

merī haamī kā fā.eda le lo

is se pahle ki maiñ mukar jā.ūñ

meri hami ka faeda le lo

is se pahle ki main mukar jaun

baḌā mushkil thā lekin vo ba-āsānī samajhtā thā

vo chehra dekh ke merī pareshānī samajhtā thā

baDa mushkil tha lekin wo ba-asani samajhta tha

wo chehra dekh ke meri pareshani samajhta tha

bhale vo ḳhvāb thī lekin haqīqat naam rakkhā thā

kisī kā pyaar se maiñ ne 'ināyat naam rakkhā thā

bhale wo KHwab thi lekin haqiqat nam rakkha tha

kisi ka pyar se main ne 'inayat nam rakkha tha

tum itne fā.ede meñ kyuuñ nahīñ ho

mirā nuqsān jitnā ho gayā hai

tum itne faede mein kyun nahin ho

mera nuqsan jitna ho gaya hai

tarkīb koī husn se haT kar hai to socho

'hassām' hasīnoñ pe to martā hī nahīñ hai

tarkib koi husn se haT kar hai to socho

'hassam' hasinon pe to marta hi nahin hai

is gahrī aziyyat meñ yuuñ be-sāḳhta hañs kar

ham mārte haiñ khīñch ke vahshat ko tamāñche

is gahri aziyyat mein yun be-saKHta hans kar

hum marte hain khinch ke wahshat ko tamanche