subū-e-falsafa-e-ishq-o-kahkashān-e-hayāt

shuā-e-qahr-e-tabassum charāġh-e-dīda-e-nam

subu-e-falsafa-e-ishq-o-kahkashan-e-hayat

shua-e-qahr-e-tabassum charagh-e-dida-e-nam

sharāb-e-husn-o-mohabbat fashurda-e-anjum

anīs-e-shām-o-sahar hamdam-e-vajūd-o-adam

sharab-e-husn-o-mohabbat fashurda-e-anjum

anis-e-sham-o-sahar hamdam-e-wajud-o-adam

zabāñ se sher kī tārīf ho nahīñ saktī

ki ek zarre se ab tak hai aql nā-mahram

zaban se sher ki tarif ho nahin sakti

ki ek zarre se ab tak hai aql na-mahram

ḳhumār-e-dīda-e-anjum sharāb-e-lail-o-nahār

hikāyat-e-na-shunīda nigār-e-nā-mahram

KHumar-e-dida-e-anjum sharab-e-lail-o-nahaar

hikayat-e-na-shunida nigar-e-na-mahram

ḳhurūsh-e-sarsar-o-tūfāñ jamūd-e-dasht-o-sarāb

surūd-e-fasl-e-bahārāñ ḳhirām-e-gardish-e-yam

KHurush-e-sarsar-o-tufan jamud-e-dasht-o-sarab

surud-e-fasl-e-bahaaran KHiram-e-gardish-e-yam