subū-e-falsafa-e-ishq-o-kahkashān-e-hayāt

shuā-e-qahr-e-tabassum charāġh-e-dīda-e-nam

subu-e-falsafa-e-ishq-o-kahkashan-e-hayat

shua-e-qahr-e-tabassum charagh-e-dida-e-nam

hazār jaam chhalakte hue nafas-ba-nafas

hazār baaġh mahakte hue qadam-ba-qadam

hazar jam chhalakte hue nafas-ba-nafas

hazar bagh mahakte hue qadam-ba-qadam

sharāb-e-husn-o-mohabbat fashurda-e-anjum

anīs-e-shām-o-sahar hamdam-e-vajūd-o-adam

sharab-e-husn-o-mohabbat fashurda-e-anjum

anis-e-sham-o-sahar hamdam-e-wajud-o-adam

jilau meñ hazrat-e-jibrīl sar jhukā.e hue

buland arsh ke tāroñ se azmat-e-ādam

jilau mein hazrat-e-jibril sar jhukae hue

buland arsh ke taron se azmat-e-adam

zabāñ se sher kī tārīf ho nahīñ saktī

ki ek zarre se ab tak hai aql nā-mahram

zaban se sher ki tarif ho nahin sakti

ki ek zarre se ab tak hai aql na-mahram