koī to aisā ho jis se maiñ dil kī baat karūñ

so apne aap se hī baat kartā rahtā huuñ

koi to aisa ho jis se main dil ki baat karun

so apne aap se hi baat karta rahta hun

nahīñ ye mehñdī nahīñ hai tumhāre hāthoñ par

kisī kā ḳhūn-e-tamannā lagā.e baiThe ho

nahin ye mehndi nahin hai tumhaare hathon par

kisi ka KHun-e-tamanna lagae baiThe ho

Thukrā ke chale aa.e ḳhud.dār tabī.at hai

ham un kī ināyat ko ḳhairāt samajhte haiñ

Thukra ke chale aae KHuddar tabiat hai

hum un ki inayat ko KHairaat samajhte hain

tujh se milne kā bahāna to koī chāhiye thā

ham ne vo ek bahāna kabhī DhūñDā hī nahīñ

tujh se milne ka bahana to koi chahiye tha

hum ne wo ek bahana kabhi DhunDa hi nahin

tum apnā dariyā yahāñ se sameT lo varna

hamārī pyaas kī garmī use jalā degī

tum apna dariya yahan se sameT lo warna

hamari pyas ki garmi use jala degi