Kamil Bahzadi's Photo'

کاملؔ بہزادی

1934 | بھوپال, ہندوستان

کاملؔ بہزادی کے اشعار

آکاش کی حسین فضاؤں میں کھو گیا

میں اس قدر اڑا کہ خلاؤں میں کھو گیا

کیا ترے شہر کے انسان ہیں پتھر کی طرح

کوئی نغمہ کوئی پائل کوئی جھنکار نہیں

تعلق ہے نہ اب ترک تعلق

خدا جانے یہ کیسی دشمنی ہے

اس قدر میں نے سلگتے ہوئے گھر دیکھے ہیں

اب تو چبھنے لگے آنکھوں میں اجالے مجھ کو

لوگ بھوپال کی تعریف کیا کرتے ہیں

اس نگر میں تو ترے گھر کے سوا کچھ بھی نہیں

آپ دامن کو ستاروں سے سجائے رکھئے

میری قسمت میں تو پتھر کے سوا کچھ بھی نہیں