zindagī gum na dostī gum hai

ye haqīqat hai aadmī gum hai

zindagi gum na dosti gum hai

ye haqiqat hai aadmi gum hai

hañsī meñ kaTtī thiiñ rāteñ ḳhushī meñ din guzartā thā

'kañval' maazī kā afsāna na tum bhūle na ham bhūle

hansi mein kaTti thin raaten KHushi mein din guzarta tha

'kanwal' mazi ka afsana na tum bhule na hum bhule

jis ne buniyād gulistāñ kī kabhī Daalī thī

us ko gulshan se guzarne nahīñ detī duniyā

jis ne buniyaad gulistan ki kabhi Dali thi

us ko gulshan se guzarne nahin deti duniya

ġham-e-daurāñ ġham-e-jānāñ ġham-e-uqbā ġham-e-duniyā

'kañval' is zindagī meñ ġham ke māroñ ko na chain aayā

gham-e-dauran gham-e-jaanan gham-e-uqba gham-e-duniya

'kanwal' is zindagi mein gham ke maron ko na chain aaya

kuchh bujhī bujhī sī hai anjuman na jaane kyuuñ

zindagī meñ pinhāñ hai ik chubhan na jaane kyuuñ

kuchh bujhi bujhi si hai anjuman na jaane kyun

zindagi mein pinhan hai ek chubhan na jaane kyun