kabhī kabhī safar-e-zindagī se ruuTh ke ham

tire ḳhayāl ke saa.e meñ baiTh jaate haiñ

kabhi kabhi safar-e-zindagi se ruTh ke hum

tere KHayal ke sae mein baiTh jate hain

ġham nairañg dikhātā hai hastī kī jalva-numā.ī kā

kitne zamānoñ kā hāsil hai ik lamha tanhā.ī kā

gham nairang dikhata hai hasti ki jalwa-numai ka

kitne zamanon ka hasil hai ek lamha tanhai ka

ye aarzū ke sitāre ye intizār ke phuul

chamak rahī haiñ ḳhatā.eñ mahak rahe haiñ gunāh

ye aarzu ke sitare ye intizar ke phul

chamak rahi hain KHataen mahak rahe hain gunah

apne ġham kī fikr na kī is duniyā kī ġham-ḳhvārī meñ

barsoñ ham ne dast-e-junūñ se kaam liyā dānā.ī kā

apne gham ki fikr na ki is duniya ki gham-KHwari mein

barson hum ne dast-e-junun se kaam liya danai ka

taḳhlīq ke parde meñ sitam TuuT rahe haiñ

aazar hī ke hāthoñ se sanam TuuT rahe haiñ

taKHliq ke parde mein sitam TuT rahe hain

aazar hi ke hathon se sanam TuT rahe hain

thī nazar ke sāmne kuchh to talāfī kī umiid

khet sūkhā thā magar dariyā meñ tuġhyānī to thī

thi nazar ke samne kuchh to talafi ki umid

khet sukha tha magar dariya mein tughyani to thi

aao ham hañste uTheñ bazm-e-dil-āzārāñ se

kaun ehsās ko bīmār banā kar uTThe

aao hum hanste uThen bazm-e-dil-azaran se

kaun ehsas ko bimar bana kar uTThe

vo arz-e-ġham pe mirī un kā ehtimām-e-sukūt

tamām shorish-e-tafsīl-e-vāqi.āt ga.ī

wo arz-e-gham pe meri un ka ehtimam-e-sukut

tamam shorish-e-tafsil-e-waqiat gai

ḳhvāb dekhā thā kahāñ chamkī hai ta.abīr kahāñ

hashr kā din mirī fitrat kā ujālā niklā

KHwab dekha tha kahan chamki hai tabir kahan

hashr ka din meri fitrat ka ujala nikla

chhalak uThā jo kabhī ḳhūn-e-ārzū merā

mizha mizha tirī ra.anā.iyoñ kī baat ga.ī

chhalak uTha jo kabhi KHun-e-arzu mera

mizha mizha teri ranaiyon ki baat gai