ادھر ادھر کے سنائے ہزار افسانے

دلوں کی بات سنانے کا حوصلہ نہ ہوا

زیست اور موت کا آخر یہ فسانہ کیا ہے

عمر کیوں حسب ضرورت نہیں دی جا سکتی

چلے آتے ہیں بے موسم کی بارش کی طرح آنسو

بسا اوقات رونے کا سبب کچھ بھی نہیں ہوتا

بسی ہے سوکھے گلابوں کی بات سانسوں میں

کوئی خیال کسی یاد کے حصار میں ہے

کی مرے بعد قتل سے توبہ

آخری تیر تھا کمان میں کیا

حقیقتیں تو اٹل ہیں بدل نہیں سکتیں

مگر کسی کی تسلی سے حوصلہ ہوا ہے

وہ تپش ہے کہ جل اٹھے سائے

دھوپ رکھی تھی سائبان میں کیا

یہ کیا خلش ہے کہ لو دے رہی ہے جذبوں کو

نہ جانے کون سا شعلہ میرے شرار میں ہے