dūsroñ kī baat aa.ī to payambar thā vo shaḳhs

apnī baarī par mohabbat se hī murtad ho gayā

dusron ki baat aai to payambar tha wo shaKHs

apni bari par mohabbat se hi murtad ho gaya

gardish-e-ayyām se chaltī hai nabz-e-kā.enāt

vaqt kā pahiya rukā to zindagī ruk jā.egī

gardish-e-ayyam se chalti hai nabz-e-kaenat

waqt ka pahiya ruka to zindagi ruk jaegi

mire vijdāñ kī girheñ kholtā hai

mirā ham-zād mujh meñ boltā hai

mere wijdan ki girhen kholta hai

mera ham-zad mujh mein bolta hai

mohabbat ruup meñ Dhaltī to vo ik devtā hotā

maiñ us ko pūjne lagtā agar vo bā-vafā hotā

mohabbat rup mein Dhalti to wo ek dewta hota

main us ko pujne lagta agar wo ba-wafa hota

mujhe ḳhāmoshiyāñ paḌhne kā fan aatā to paḌh letā

tumhārī jhiil sī ḳhāmosh āñkhoñ kī pashemānī

mujhe KHamoshiyan paDhne ka fan aata to paDh leta

tumhaari jhil si KHamosh aankhon ki pashemani