dil bhī toḌā to salīqe se na toḌā tum ne

bevafā.ī ke bhī ādāb huā karte haiñ

dil bhi toDa to saliqe se na toDa tum ne

bewafai ke bhi aadab hua karte hain

nāqido tum to mire fan kī parakh rahne do

apne sone ko maiñ pītal nahīñ hone dūñgā

naqido tum to mere fan ki parakh rahne do

apne sone ko main pital nahin hone dunga

tum zamāne ke ho hamāre sivā

ham kisī ke nahīñ tumhāre haiñ

tum zamane ke ho hamare siwa

hum kisi ke nahin tumhaare hain

us ko āvāz do mohabbat se

us ke sab naam pyāre pyāre haiñ

us ko aawaz do mohabbat se

us ke sab nam pyare pyare hain

ye san kar merī nīndeñ uḌ ga.ī haiñ

koī merā bhī sapnā dekhtā hai

ye san kar meri ninden uD gai hain

koi mera bhi sapna dekhta hai