آخر گل اپنی صرف در مے کدہ ہوئی

پہنچے وہاں ہی خاک جہاں کا خمیر ہو

ترے عشق سے جب سے پالے پڑے ہیں

ہمیں اپنے جینے کے لالے پڑے ہیں

مجھ دل میں ہے جو بت کی پرستش کی آرزو

دیکھی نہیں وہ آج تلک برہمن کے بیچ

مرا خون دل یوں بہا دشت میں

کہ جنگل میں لوہو کے تھالے پڑے

کی دل نے دلبران جہاں کی بہت تلاش

کوئی دل ربا ملا ہے نہ دل خواہ کیا کرے

کہیں سو کس سے جہاں دارؔ اس کی نظروں میں

رقیب کام کے ٹھہرے اور ہم ہیں ناکارے

بسان نقش قدم تیرے در سے اہل وفا

اٹھاتے سر نہیں ہرگز تباہ کے مارے

سر رشتہ کفر و دیں کا حقیقت میں ایک ہے

جو تار سبحہ ہے سو ہے زنار دیکھنا