aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Mohammad Mustahsan Jami's Photo'

Mohammad Mustahsan Jami

1994 | Khushab, Pakistan

Sher of Mohammad Mustahsan Jami

1.2K
Favorite

SORT BY

rañg badlā huā thā phūloñ

tum yaqīnan udaas guzre the

rang badla hua tha phulon ka

tum yaqinan udas guzre the

likh ke rakh detā huuñ alfāz sabhī kāġhaz par

lafz ḳhud bol ke tāsīr banā lete haiñ

likh ke rakh deta hun alfaz sabhi kaghaz par

lafz KHud bol ke tasir bana lete hain

dastak dene vaale tujh ko ilm nahīñ

darvāze ke donoñ jānib taalā hai

dastak dene wale tujh ko ilm nahin

darwaze ke donon jaanib tala hai

ik karb mausam hai jo daa.im hai abhī tak

ik hijr qissa ki mukammal nahīñ hotā

ek karb ka mausam hai jo daim hai abhi tak

ek hijr ka qissa ki mukammal nahin hota

lafz aur āvāz donoñ kho ga.e

mujh se haq chhīnā gayā hai baat

lafz aur aawaz donon kho gae

mujh se haq chhina gaya hai baat ka

badle haiñ zamāne ne ḳhad-o-ḳhāl tire bhī

ab tujh ko koī dekh ke pāgal nahīñ hotā

badle hain zamane ne KHad-o-KHal tere bhi

ab tujh ko koi dekh ke pagal nahin hota

mujh jaise darvesh tumhārī duniyā meñ

marne ḳhvāhish meñ zinda rahte haiñ

mujh jaise darwesh tumhaari duniya mein

marne ki KHwahish mein zinda rahte hain

ġhurbat ehsān thā ham par

ik thālī meñ khā sakte the

ghurbat ka ehsan tha hum par

ek thaali mein kha sakte the

ma.alūm nahīñ kaun bastī ke makīñ the

kuchh log mirī soch se bhī baḌh ke hasīñ the

malum nahin kaun si basti ke makin the

kuchh log meri soch se bhi baDh ke hasin the

yaḳh-basta shab guzār kabhī bhī hijr meñ

merī tarah kisī se mavaddat tujhe bhī ho

yaKH-basta shab guzar kabhi tu bhi hijr mein

meri tarah kisi se mawaddat tujhe bhi ho

dūsre shaḳhs kyā kahūñ tujh ko

ek hone nahīñ diyā ne

dusre shaKHs kya kahun tujh ko

ek hone nahin diya tu ne

jo jaan chhiḌakte the vahī kahte haiñ mujh se

halqa-e-ahbāb meñ shāmil kahāñ thā

jo jaan chhiDakte the wahi kahte hain mujh se

tu halqa-e-ahbab mein shamil hi kahan tha

mujhe ḳhabar hai kyā kuchh hai buniyādoñ meñ

terī bastī pahlā mazdūr thā maiñ

mujhe KHabar hai kya kuchh hai buniyaadon mein

teri basti ka pahla mazdur tha main

niilī chhat pe lā-mahdūd parinde the

aaj kisī ne ashk bahā kar raqs kiyā

nili chhat pe la-mahdud parinde the

aaj kisi ne ashk baha kar raqs kiya

ham talvār uThā nahīñ paa.e

ham āvāz uThā sakte the

hum talwar uTha nahin pae

hum aawaz uTha sakte the

in charāġhoñ kyā bigāḌā thaa?

kyuuñ jhagaḌtī hai raushnī mujh se

in charaghon ka kya bigaDa tha?

kyun jhagaDti hai raushni mujh se

ab tire hijr meñ ik pal na guzārā jaa.e

ye na ho qais tirā dasht meñ maarā jaa.e

ab tere hijr mein ek pal na guzara jae

ye na ho qais tera dasht mein mara jae

sar apnā uThā saktā nahīñ koī bhī iblīs

mil jaa.e agar faqr talvār mujhe bhī

sar apna uTha sakta nahin koi bhi iblis

mil jae agar faqr ki talwar mujhe bhi

vo jalva-e-sad-rang meñ ik Dhañg se niklā

jo misra tire sīna-o-āhañg se niklā

wo jalwa-e-sad-rang mein ek Dhang se nikla

jo misra tere sina-o-ahang se nikla

safar meñ maañ duāoñ se chhat banātā huuñ

agar kabhī na mayassar ho sā.ebān mujhe

safar mein man ki duaon se chhat banata hun

agar kabhi na mayassar ho saeban mujhe

merī ḳhvāhish hai ki bhar ke use dekh to luuñ

hijr ke mumkina sadmāt se pahle pahle

meri KHwahish hai ki ji bhar ke use dekh to lun

hijr ke mumkina sadmat se pahle pahle

tirī lab-kushā.ī pe munhasir mirī zindagānī hai dostā

tirā bolnā bhī qubūl hai tirī ḳhāmushī bhī aziiz hai

teri lab-kushai pe munhasir meri zindagani hai dosta

tera bolna bhi qubul hai teri KHamushi bhi aziz hai

ye log apne adū ko bhī faiz dete haiñ

qalandaroñ jahāñ meñ yahī tarīqat hai

ye log apne adu ko bhi faiz dete hain

qalandaron ki jahan mein yahi tariqat hai

tujh ko to milā vo bhī jo māñgā nahīñ ne

ne to kabhī ḳhūn-e-tamannā nahīñ dekhā

tujh ko to mila wo bhi jo manga nahin tu ne

tu ne to kabhi KHun-e-tamanna nahin dekha

kyā ḳhabar thī ki mujhe is ne jakaḌ lenā hai

maiñ udāsī pe bahut tanz kiyā kartā thā

kya KHabar thi ki mujhe is ne jakaD lena hai

main udasi pe bahut tanz kiya karta tha

ye bastiyāñ haiñ andher-nagrī meñ rahne vaalī

ye log vo haiñ jo raushnī se Dare hue haiñ

ye bastiyan hain andher-nagri mein rahne wali

ye log wo hain jo raushni se Dare hue hain

duniyā ke qāfile meñ ravāna haiñ is liye

ham bhī munāfiqīn pahchān kar sakeñ

duniya ke qafile mein rawana hain is liye

hum bhi munafiqin ki pahchan kar saken

ye apnī kaifiyat batāte nahīñ kabhī

maulā tamām hijr ke māroñ ḳhair ho

ye apni kaifiyat ka batate nahin kabhi

maula tamam hijr ke maron ki KHair ho

ibtidā ilm hai na intihā ma.alūm hai

vo musāfir huuñ jise nām-e-ḳhudā ma.alūm hai

ibtida ka ilm hai na intiha malum hai

wo musafir hun jise nam-e-KHuda malum hai

junūñ ke aalam meñ raqs karne ko aa ga.e haiñ

bahāl hone lagī hai raunaq tirī galī

junun ke aalam mein raqs karne ko aa gae hain

bahaal hone lagi hai raunaq teri gali ki

zād-e-safar meñ rakkhe ga.e the ka.ī charāġh

ujlat meñ in se kaam kisī ne nahīñ liyā

zad-e-safar mein rakkhe gae the kai charagh

ujlat mein in se kaam kisi ne nahin liya

guzārtā huuñ ise jis tarah se 'mustahsan'

ye zindagī mujhe tartīb meñ nahīñ lagtī

guzarta hun ise jis tarah se 'mustahsan'

ye zindagi mujhe tartib mein nahin lagti

yaqīn kījiye sab intishār ḳhatm hue

jab apne aap ko tasḳhīr kar liyā maiñ ne

yaqin kijiye sab intishaar KHatm hue

jab apne aap ko tasKHir kar liya main ne

ik nazar ne mujhe zindagī baḳhsh

mujh se mat pūchhiye maiñ fanā kab huā

ek nazar ne mujhe zindagi baKHsh di

mujh se mat puchhiye main fana kab hua

aap hamdardī na yuuñ jatlā.īye

ye mirā ma.amūl nuqsān hai

aap hamdardi na yun jatlaiye

ye mera mamul ka nuqsan hai

sivā.e is ke koī bhī masrūfiyat nahīñ hai

maiñ in dinoñ bas charāġh taqsīm kar rahā huuñ

siwae is ke koi bhi masrufiyat nahin hai

main in dinon bas charagh taqsim kar raha hun

mirī tamannāoñ safar kis qadar hasīñ hai

kabhī mayassar hai terā shāna kabhī jabīñ hai

meri tamannaon ka safar kis qadar hasin hai

kabhi mayassar hai tera shana kabhi jabin hai

sāmne aa gayā to kyā haal hogā un

tire tasavvur ne jin ko sarshār kar diyā hai

tu samne aa gaya to kya haal hoga un ka

tere tasawwur ne jin ko sarshaar kar diya hai

bin dekhe bhī chain nahīñ hai 'mustahsan'

dekhūñ to saarī bīnā.ī jaatī hai

bin dekhe bhi chain nahin hai 'mustahsan'

dekhun to sari binai jati hai

farāġhatoñ meñ faqat ek kaam kartā huuñ

maiñ raushnī se musalsal kalām kartā huuñ

faraghaton mein faqat ek kaam karta hun

main raushni se musalsal kalam karta hun

maiñ use yaksūī se paḌh nahīñ paayā kabhī

zindagī ke lafz meñ kitne jahāñ ābād the

main use yaksui se paDh hi nahin paya kabhi

zindagi ke lafz mein kitne jahan aabaad the

dekh kar us ko sab ḳhvāhisheñ miT ga.iiñ

kuchh bachā nahīñ dekhne ke liye

dekh kar us ko sab KHwahishen miT gain

kuchh bacha hi nahin dekhne ke liye

jahāñ pe bātinī ḳhushiyāñ nasīb hotī haiñ

vo dar jahāñ meñ kisī bhī valī hotā hai

jahan pe baatini KHushiyan nasib hoti hain

wo dar jahan mein kisi bhi wali ka hota hai

idrāk tire husn tasvīr-garī

yuuñ lagtā hai jaise koī barsoñ safar hai

idrak tere husn ki taswir-gari ka

yun lagta hai jaise koi barson ka safar hai

merī nazar meñ vo koī mahbūb nahīñ

apne parā.e shaḳhs jis ko ḳhabar na ho

meri nazar mein wo koi mahbub hi nahin

apne parae shaKHs ki jis ko KHabar na ho

lutf in pe koī ḳhaas nazar hai ki nahīñ

apne mastoñ koī ḳhair-ḳhabar hai ki nahīñ

lutf ki in pe koi KHas nazar hai ki nahin

apne maston ki koi KHair-KHabar hai ki nahin

ye mo.ajiza hai mohabbat meñ surḳh-rūī

bhare jahān meñ mujh be-hunar ke charche haiñ

ye moajiza hai mohabbat mein surKH-rui ka

bhare jahan mein mujh be-hunar ke charche hain

tujhe maiñ detā huuñ maulā vāsta duniyā

mire vajūd se rakh fāsla zamānoñ

tujhe main deta hun maula ka wasta duniya

mere wajud se rakh fasla zamanon ka

yaqīn hai na kisī ko gumān maut na de

mire ḳhudā kisī ko javān maut na de

yaqin hai na kisi ko guman maut na de

mere KHuda tu kisi ko jawan maut na de

sahrā-e-intizār meñ rahnā hai umr-bhar

zād-e-safar meñ sirf kafan chāhiye mujhe

sahra-e-intizar mein rahna hai umr-bhar

zad-e-safar mein sirf kafan chahiye mujhe

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now