Murtaza Barlas's Photo'

مرتضیٰ برلاس

1934

مرتضیٰ برلاس کا تعارف

تخلص : 'مرتضیٰ برلاس'

اصلی نام : مرتضیٰ بیگ برلاس

پیدائش : 30 Jan 1934 | رام پور, اتر پردیش

چہرے کی چاندنی پہ نہ اتنا بھی مان کر

وقت سحر تو رنگ کبھی چاند کا بھی دیکھ

نام مرتضیٰ بیگ برلاس اور تخلص برلاس ہے۔۳۰؍جنوری۱۹۳۴ء کو ریاست رام پور میں پیدا ہوئے ۔ ابتدائی تعلیم گورنمنٹ کالج، مرادآباد سے حاصل کی۔ ایم ایس سی (ریاضی)۱۹۵۵ء میں آگرہ یونیورسٹی سے کیا۔ ستمبر۱۹۵۶ء میں پاکستان آگئے۔۱۹۶۰ء میں آپ پنجاب سول سروس میں منتخب ہوئے اور مختلف اضلاع میں بطور مجسٹریٹ اور اسسٹنٹ کمشنر کے فرائض انجام دیے۔۱۹۷۶ء میں پاکستان آرٹس کونسل ، لاہور(الحمرا) کے ریذیڈنٹ ڈائرکٹر مقرر ہوئے۔ بعدازاں آپ پھر صوبائی سول سروس میں آگئے اور ڈپٹی کمشنر وہاڑی، خانیوال اور بہاول پور میں کمشنر کے عہدے پر فائز رہے۔شعر وسخن میں باقاعدہ اصلاح کسی سے نہیں لی۔ آپ کی تصانیف کے نام یہ ہیں:’تیشۂ کرب‘، ’اضطرار‘، ’گرۂ نیم باز‘، ’ارتعاش‘(شعری مجموعے)، ’اپنے زخموں کا لہو‘(سرگذشت)۔ بحوالۂ:پیمانۂ غزل(جلد دوم)،محمد شمس الحق،صفحہ:283

موضوعات