in se ummīd na rakh haiñ ye siyāsat vaale

ye kisī se bhī mohabbat nahīñ karne vaale

in se ummid na rakh hain ye siyasat wale

ye kisi se bhi mohabbat nahin karne wale

par kaTe panchhiyoñ se pūchhte ho

tum meñ uḌne kā hausla hai kyā

par kaTe panchhiyon se puchhte ho

tum mein uDne ka hausla hai kya

savāl ye hai havā aa.ī kis ishāre par

charāġh kis ke bujhe ye savāl thoḌī hai

sawal ye hai hawa aai kis ishaare par

charagh kis ke bujhe ye sawal thoDi hai

hijr-e-jānāñ meñ bhī aañsū nahīñ aa.e mere

ḳhushk sahrāoñ meñ barsāt kabhī to hogī

hijr-e-jaanan mein bhi aansu nahin aae mere

KHushk sahraon mein barsat kabhi to hogi

phuul kitne udaas lagte haiñ

ai ḳhudā in ko titliyāñ de de

phul kitne udas lagte hain

ai KHuda in ko titliyan de de